હાર્દિકે જળત્યાગ કર્યો, હોસ્પિટલમાં દાખલ કરવાનું સરકારનું ષડયંત્રઃ PAASની પ્રેસ

0

હાર્દિક પટેલના ઉપવાસ મામલે રાજ્યમાં રાજકારણ ગરમાયું છે. ગુરુવારે હાર્દિક ઉપવાસના મામલે અનેક રાજકારણીઓથી લઇને પાસ દ્વારા વિવિધ પત્રકાર પરિષદનું આયોજન કરવામાં આવી રહ્યું છે. સૌપ્રથમ પાસના કન્વીનર મનોજ પનારાએ પત્રકાર પરિષદ યોજી હતી, જેમાં તેઓએ સરકાર પર આકરા પ્રહારો કર્યા હતા. તેઓએ જણાવ્યું કે સરકાર હાર્દિકને હોસ્પિટલમાં મોકલવા ઇચ્છે છે. અમે આપેલા 24 કલાકનું અલ્ટીમેટમ પૂર્ણ થયા છે આથી હાર્દિકે પાણીનો ત્યાગ કર્યો છે.

શું કહ્યું મનોજ પનારાએ ?

પાસ કન્વીનર મનોજ પનારાએ જણાવ્યું કે અમે ગઇ કાલે સરકારને 24 કલાકનું અલ્ટીમેટમ આપ્યું હતું. જે આજે પૂર્ણ થાય છે. હાર્દિક પટેલે જાહેર કર્યા પ્રમાણે જળત્યાગ કર્યો છે. અમને લાગી રહ્યું છે કે સરકાર હાર્દિકને હોસ્પિટલાઇઝ કરવા ઇચ્છે છે. 24 કલાકનું અલ્ટીમેટમ આપ્યું છતાં સરકારના પેટનું પાણી પણ હલતું નથી. તો મનોજ પનારાએ ઉર્જામંત્રી સૌરભ પટેલને કહ્યું કે તમારું ખાતું નથી છતા તમે કેમ નિવેદનો આપો છે, કૃષીમંત્રી કેમ કોઇ નિવેદન આપતાં નથી.

હાર્દિકને ઉભા થવામાં પણ મિત્રોની મદદની જરૂર પડી હતી. સતત ઉપવાસને કારણે 12 દિવસમાં હાર્દિક પટેલનું વજન 12 કિલોગ્રામ ઘટી ગયું છે.

ઉપવાસના 13માં દિવસે હાર્દિક પટેલની તબિયત વધારે લથડી છે. સતત ઉપવાસને કારણે હાર્દિકની તબિયત એટલી લથડી છે કે હવે તેને ચાલવામાં અને જાતે ઉભા થવામાં પણ તકલીફ પડી રહી છે. ગુરુવારે સામે આવેલા રિપોર્ટ પ્રમાણે હાર્દિકને ઉપવાસ છાવણીમાંથી વ્હીલચેર પર બેસાડીને બહાર લાવવામાં આવ્યો હતો. હાર્દિકને ઉભા થવામાં પણ મિત્રોની મદદની જરૂર પડી હતી. સતત ઉપવાસને કારણે 12 દિવસમાં હાર્દિક પટેલનું વજન 12 કિલોગ્રામ ઘટી ગયું છે.

20 કિલોગ્રામ વજન ઘટ્યાના અહેવાલ વહેતા થયા હતા :

હાર્દિકના ઉપવાસના 11માં દિવસે હાર્દિકના વજનને લઇને ચોંકાવનારો આંકડો સામે આવ્યો હતો. 11 દિવસોમાં હાર્દિક પટેલનું વજન 20 કિલો ઘટવાની વાતથી જ હાર્દિક અંગે વધારે ચિંતાઓ પ્રવર્તિ રહી હતી. જોકે, આ અંગે એક પ્રશ્ન એ પણ થાય કે શું ખરેખર 11 દિવસમાં કોઇપણ વ્યક્તિનું વજન 20 કિલો જેટલું ઘટી શકે ખરા? આ અંગે સોલા સિવિલ હોસ્પિટલની મેડિકલ ટીમની પોલંપોલ આજે ખુલી હતી.

ડોક્ટરની ટીમ દ્વારા બુધવારે હાર્દિક પટેલનું મેડિકલ ચેકઅપ કરવામાં આવ્યું હતું. જે સંદર્ભે તેનું વજન પણ કરાયું હતું. જેમાં વજન 66 કિલો નોંધાયું હતું. એટલે 12 દિવસમાં હાર્દિકનું વજન 12 કિલો ઘટ્યું છે. જ્યારે મેડિકલ ટીમ દ્વારા મંગળવારે સવારે હાર્દિક પટેલના કરેલા વજન પ્રમાણે તેનું વજન 58.3 કિલો નોધાયું હતું. એટલે કે હાર્દિકના વજન માપવા અંગે ડોક્ટરોની ટીમમાં ભારે બેદરકારી જોવા મળી રહી છે.

હાર્દિક પટેલના વજનમાં આટલો મોટો તફાવત અંગે ડોક્ટરને પૂછતા ડોક્ટરે ટેકનિકલ ભૂલનું કારણ સામે ધર્યું હતું. વજન કરતી વખતે હાર્દિક પટેલ વજનકાંટા ઉપર સરખી રીતે ઊભા ન રહ્યા હોવાથી વજનમાં આટલો તફાવત આવ્યો હોવાનું ડોક્ટરોએ કારણ આપ્યું હતું.

આગામી કાર્યક્રમ

PAASનાં કન્વીનર મનોજ પનારાએ આંદોલનના આગામી કાર્યક્રમો જાહેર કરતા જણાવ્યું હતું કે, તારીખ 06/09/2018ને ગુરુવારના રોજ PAAS સમિતિ અને ગુજરાતનાં ખેડૂત સમાજના લોકો ગુજરાતના 182 MLA, 26 સાંસદ સભ્યો અને ગુજરાતના તમામ રાજ્યસભાના મેમ્બરોને ફોન કરીને ખેડૂતોના દેવા માફ થવા જોઈએ કે નહીં અને પાટીદાર સમાજને અનામત મળવું જોઈએ કે નહીં તે બાબતે સવાલ કરશે અને જે જવાબ સામેથી મળશે તેને રેકોર્ડ કરવામાં આવશે અને તેને હાર્દિકની છાવણી સુધી પહોંચાડવામાં આવશે.

ધારાસભ્યો,સાંસદોના ઘરે જશે

મનોજ પનારાએ વધુમાં કહ્યું હતું કે, તારીખ 07/09/2018ને શુક્રવારના રોજ 182 MLA, 26 સાંસદ સભ્યો અને ગુજરાતના તમામ રાજ્યસભાના મેમ્બરોની ઓફિસે અમે એક ફોર્મ લઈને જઈશુ અને જો તે ઓફિસે નહીં મળે તો તેમના ઘરે જઈશુ અને ઘરે પણ નહીં મળે તો ગાંધીનગર તેમના નિવાસ્થાન પર જઈશુ. તમે ગુજરાતના ખેડૂતોને શું સંદેશો આપવા માંગો છો અને ગુજરાતના ખેડૂતોનું દેવું માફ થાય તેવું તમે ઈચ્છો છો? તેવા લખાણવાળું ફોર્મ આપીશું અને ફોર્મ પર તેમની સહી કરાવશું.

જો તે સહમત હશે તો સહી કરીને તેમનો અભિપ્રાય લખશે અને જે MLA અને સાંસદ સહી નહિ કરે તો અમે એવું એવું માનીશું કે તે ખેડૂતોના દેવા માફીમાં અને હાર્દિકના ઉપવાસના સમર્થનમાં નથી. આ કાર્યક્રમ બાદ અમારા પરીદાર સમાજની ધાર્મિક સંસ્થા ઊંઝા, કાગવડ, સીદસર અને ગથિલા માતાજીના ધામમાં પાટીદાર સમાજના તમામ ભાઈઓ અને બહેનો હાર્દિક પટેલના સારા આરોગ્ય અને હિટલરશાહી સરકાર સામે લડવાની શક્તિમળે તે માટે માટે માતાજીની 3 કલાક પૂજા અર્ચના અર્ને પ્રાર્થના કરીશું.

લેટેસ્ટ News અને Videos માટે લાઈક કરો

LEAVE A REPLY

Please enter your comment!
Please enter your name here