‘ચાર ચાર બંગડીવાળી’ કિંજલ દવેની સગાઈ, તસવીરો થય સોશિઅલ મીડિયા પર વાયરલ

0

ગુજરાતી સંસ્કૃતિ, લોકસાહિત્યને જીવંત રાખવાનો પ્રયાસ કરતા ગુજરાતી ગાયક કલાકારો પણ વિદેશમાં જાણીતા છે. પણ મોટા-મોટા કલાકારો વચ્ચે છેલ્લા ઘણા સમયથી ગુજરાતમાં કિંજલ દવે નામની નાનકડી છોકરી ધૂમ મચાવી રહી છે.

ઉત્તર ગુજરાતના પાટણના નાનકડા એવા ગામ જેસંગપરાના ગરીબ અદ્વૈત બ્રાહ્મણ પરિવારમાં જન્મેલી કિંજલ દવે આજે ઉત્તર ગુજરાત, સૌરાષ્ટ્ર-કચ્છ મુંબઈ સહિતના વિસ્તારોમાં ગરબા, લગ્ન ગીત, લોકડાયરો, સંતવાણી સહિતના પ્રોગ્રામથી જાણીતી બની છે. કિંજલની સગાઈ તેના બાળપણના મિત્ર એવા પવન રબારી સાથે થઈ હતી. પવન એ કિંજલના પિતાના મિત્ર મનુ રબારીનો દીકરો છે.

માત્ર 17 વર્ષની ઉંમરે પોતાના સૂરીલા અને મધૂર કંઠથી લાખો લોકોના દિલ જીતી લેનાર કિંજલ દવે હવે યુવાનીમાં પગ મૂકી દીધો છે.

અમદાવાદ ખાતે 12 કોમર્સનો અભ્યાસ કરીને અન્ય શહેરમાં કોલેજનો અભ્યાસ કરતી કિંજલ કાયદેસર લગ્ન કરવાની ઉંમર થતાં અખાત્રીજના મૂહુર્તમાં સગાઈ કરવામાં આવી હતી. સફળતાની ટોચ પર રહેલી કિંજલ પરંપરાગત રીતે સગાઈ કરી છે.

કિંજલ દવે તેના અવાજની સાથે તેના લોકસંગીતના કાર્યક્રમોમાં એન્ટ્રી માટે પણ જાણીતી છે. કિંજલ કોઈપણ કાર્યક્રમમાં એન્ટ્રી મારે તો તેની કાર હંમેશા લક્ઝુરિયસ જ હોય છે. તેની એન્ટ્રી ઓડી, બીએમડબલ્યું કે મોંઘીદાટ કારોથી જ એન્ટ્રી થાય છે. જો કે તેની પાસે પોતાની ઈનોવા કાર છે.
કિંજલના પિતા હિરા ઘસવાની સાથે સાથે ગીતો લખવાનો પણ શોખ ધરાવતા હતા તે મિત્ર સાથે મળીને ગીતો પણ લખતા હતા. પિતા અને મનુ રબારીના પ્રયાસોથી નાની ઉંમરે કિંજલને ‘જોનડિયો’ લગ્નગીત આલ્બમમાં ગાવાનો મોકો મળ્યો. આ લગ્નગીત થોડા જ સમયમાં સમગ્ર ગુજરાતમાં હિટ રહ્યું હતું.

કિંજલ દવે લગ્ન ગીત, ગરબા, ભજન ઉપરાંત ગુજરાતી ફિલ્મોની ગીતો પણ ગાય છે. તે સિવાય કિંજલ અનેક સંગીતના કાર્યક્રમો કરે છે. તે એક પ્રોગ્રામદીઠ એકથી બે લાખ સુધીની ફી વસૂલ કરે છે.

LEAVE A REPLY

Please enter your comment!
Please enter your name here